പ്രണയം

കടല്‍ തന്‍ ആത്മാവിനെ ഒളിച്ചു ചിപ്പിക്കുള്ളില്‍ കുരുത്തം കെട്ട ചെക്കനോ കട്ടു , കൊടുത്തു പ്രണയിനിക്ക് അവള്‍ അത് കാതോട് ചേര്‍ത്തു കേട്ടു, കടലിന്‍ തിരയിളക്കം അവളുടെ കണ്‍കളില്‍ അവന്‍ കണ്ടു ഉലയുന്ന നീലകടല്‍..

ഒരിടത്തൊരിടത്ത് ഒരു വാനമ്പാടി ഉണ്ടായിരുന്നു

മുള്ള് തറച്ചു കയറ്റി
പിളര്‍ന്ന ഹൃദയത്തില്‍ നിന്ന്
രക്തം ഇറ്റിറ്റു വീഴ്ത്തി
പനിനീര്‍പൂവിനു നിറം നല്‍കുമ്പോള്‍
വാനമ്പാടി ചിന്തിച്ചത്
വിളറുന്ന ചന്ദ്രനെ കുറിച്ചോ
പിരിയു‌ന്ന ജീവനെ കുറിച്ചോ അല്ലാ

കുറച്ചുകൂടി ചോര ഉണ്ടായിരുന്നു എങ്കില്‍
പനിനീര്‍പൂവിനു കുറച്ചുകൂടി
ചുവപ്പ് നിറം കിട്ടിയേനെ .....